ಯುವಕರು, ಸ್ತ್ರೀಯರನ್ನು ಗುರಿಯಾಗಿಸಿ ನಡೆಯುತ್ತಿರುವ ಹೂಡಿಕೆ ವಂಚನೆ ; ಎಚ್ಚರಿಕೆ ವಹಿಸುವಂತೆ ಸೂಚಿಸಿದ ಕೇಂದ್ರ ಗೃಹ ಇಲಾಖೆ

ಯುವಕರು, ಸ್ತ್ರೀಯರನ್ನು ಗುರಿಯಾಗಿಸಿ ನಡೆಯುತ್ತಿರುವ ಹೂಡಿಕೆ ವಂಚನೆ ; ಎಚ್ಚರಿಕೆ ವಹಿಸುವಂತೆ ಸೂಚಿಸಿದ ಕೇಂದ್ರ ಗೃಹ ಇಲಾಖೆ

"ದೇಶದಲ್ಲಿ ನಿರುದ್ಯೋಗಿ ಯುವಜನತೆ, ಗೃಹಿಣಿಯರನ್ನು ಗುರಿಯಾಗಿಸಿ “ಪಿಗ್ ಬುಚ್ಚರಿಂಗ್ ಸ್ಕ್ಯಾಮ್" ಅಥವಾ “ಹೂಡಿಕೆ ವಂಚನೆ" ಎನ್ನುವಂಥ ಸೈಬರ್ ವಂಚನೆ ತಲೆ ಎತ್ತಿದ್ದು, ಇದರಿಂದ ದಿನಂಪ್ರತಿ ಜನರು ಭಾರೀ ಹಣ ಕಳೆದುಕೊಳ್ಳುವಂತಾಗಿದೆ" ಎಂದು ಕೇಂದ್ರ ಗೃಹ ಇಲಾಖೆ ಹೇಳಿದ್ದು, ಈ ಬಗ್ಗೆ ಜಾಗರೂಕರಾಗುವಂತೆ ಎಚ್ಚರಿಕೆ ನೀಡಿದೆ." ಸಚಿವಾಲಯದ ಇತ್ತೀಚೆಗಿನ ವಾರ್ಷಿಕ ವರದಿಯಲ್ಲಿ ಈ ಪಿಗ್ ಬುಚ್ಚರಿಂಗ್ ಸ್ಕ್ಯಾಮ್ ಬಗ್ಗೆ ಉಲ್ಲೇಖಿಸಲಾಗಿದ್ದು, "ವಂಚಕರು ಗೂಗಲ್ ಸೇವೆ ಬಳಸಿಕೊಂಡು, ಫೇಸ್‌ಬುಕ್‌, ವಾಟ್ಸ್‌ ಆ್ಯಪ್‌, ಟೆಲಿಗ್ರಾಂ ಮೂಲಕವೂ ಜಾಹೀರಾತುಗಳ ಮೂಲಕ ಜನರನ್ನು ಜಾಲಕ್ಕೆ ಕೆಡವುತ್ತಿದ್ದಾರೆ. 2016ರಲ್ಲಿ ಚೀನಾದಲ್ಲಿ ಮೊದಲ ಬಾರಿಗೆ ಈ ವಂಚನೆ ಶುರುವಾಗಿದ್ದು, ವಂಚಕರು ಮೊದಲಿಗೆ ಜನರೊಂದಿಗೆ ಉತ್ತಮ ಬಾಂಧವ್ಯ ಹೊಂದಿ, ನಂಬಿಸಿ ನಂತರ ವಂಚಿಸುತ್ತಿದ್ದಾರೆ" ಎಂದಿದೆ.