ಕರಾವಳಿಯಲ್ಲಿ ಇಳಿದ ಚಳಿ, ಏರಿದ ಬಿಸಿ...! ; ಆರೋಗ್ಯದ ಮೇಲೂ ಪರಿಣಾಮ...!!

ಕರಾವಳಿಯಲ್ಲಿ ಇಳಿದ ಚಳಿ, ಏರಿದ ಬಿಸಿ...! ; ಆರೋಗ್ಯದ ಮೇಲೂ ಪರಿಣಾಮ...!!

ಕರಾವಳಿ ಭಾಗದಲ್ಲಿ ಬಿಸಿಲಿನ ಪ್ರಮಾಣ ನಿಧಾನವಾಗಿ ಏರಿಕೆಯಾಗಲಿದ್ದು, ಚಳಿಯ ಪ್ರಮಾಣ ಇಳಿಕೆಯಾಗಲಿದೆ. ಮತ್ತೆ ಮೋಡ ಕವಿದ ವಾತಾವರಣ ಕಾಣಿಸಿಕೊಳ್ಳಲಿದೆ. ಈ ಬಾರಿ ಬಿಸಿಲಿನ ಪ್ರಮಾಣ ಉಳಿದ ವರ್ಷಕ್ಕೆ ಹೋಲಿಕೆ ಮಾಡಿದರೆ ಹೆಚ್ಚಾಗಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ವಿಜ್ಞಾನಿಗಳು ತಿಳಿಸಿದ್ದಾರೆ.

ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿಇತ್ತೀಚಿನ ದಿನಗಳಲ್ಲಿನಗರ ಸೇರಿದಂತೆ ಗ್ರಾಮೀಣ ಭಾಗದಲ್ಲೂಸಾಧಾರಣ ಮಳೆಯಾಗಿದೆ. ಬಳಿಕ ಗ್ರಾಮಾಂತರ ಭಾಗದಲ್ಲಿಆಗಾಗ ಮಳೆ ಕಾಣಿಸಿಕೊಂಡರೂ ಉಳಿದ ಸಮಯದಲ್ಲಿ ಸೆಖೆ ಇತ್ತು. ಸಂಜೆಯ ಬಳಿಕ ಕೆಲವು ಭಾಗದಲ್ಲಿ ಚಳಿ ಕಾಣಿಸಿಕೊಂಡು ವಾತಾವರಣದಲ್ಲಿವಿಶೇಷ ಬದಲಾವಣೆಗಳು ಆರೋಗ್ಯದಲ್ಲಿಕಾಣಿಸಿಕೊಂಡಿತ್ತು.

ಆದರೆ ಜನವರಿ ತಿಂಗಳ ಕೊನೆಯ ಭಾಗ ಹಾಗೂ ಫೆಬ್ರವರಿಯ ಬಳಿಕ ನಿಧಾನವಾಗಿ ಬಿಸಿಲು ಏರಿಕೆಯಾಗಲಿದ್ದು, ಚಳಿಯ ಪ್ರಮಾಣ ಬಹಳಷ್ಟು ಇಳಿಕೆಯಾಗಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆಯ ಹಿರಿಯ ಅಕಾರಿಗಳು ತಿಳಿಸಿದ್ದಾರೆ.

‘‘ಜನವರಿಯ ಕೊನೆಯ ತನಕವೂ ಬಿಸಿಲು ಇರಲಿದೆ. ಜತೆಗೆ ಚಳಿಯ ಅನುಭವ ಇರಲಿದೆ. ಜ.30ರ ಆಚೆಗೆ ಕೊಂಚ ಮೋಡ ಕವಿದ ವಾತಾವರಣ ಇದ್ದರೆ ಬಳಿಕ ನಿಧಾನವಾಗಿ ಬಿಸಿಲು ಕಾಣಿಸಿಕೊಳ್ಳುವ ಸಾಧ್ಯತೆಯಿದೆ. ಈ ಹಿಂದಿಗಿಂತ ಈ ಬಾರಿ ಕೊಂಚ ಬಿಸಿಲು ಇರಲಿದೆ,’’ ಎನ್ನುತ್ತಾರೆ ಹವಾಮಾನ ವಿಶ್ಲೇಷಕ ಸಾಯಿಶೇಖರ್‌.

ಆರೋಗ್ಯದ ವಿಚಾರದಲ್ಲಿ ಏರುಪೇರು : ವಾತಾವರಣದ ವಿಶೇಷವಾದ ಬದಲಾವಣೆಗಳು ನೇರವಾಗಿ ಆರೋಗ್ಯ ಮೇಲೆ ಪರಿಣಾಮವಾಗುವುದು ಸಹಜ. ಆದರೆ ಈ ಬಾರಿ ಚಳಿಯ ವಾತಾವರಣದಲ್ಲಿಶ್ವಾಸಕೋಶದ ಸಮಸ್ಯೆಗಳು, ಅಸ್ತಮ, ಜ್ವರದಂತಹ ಪ್ರಕರಣಗಳು ಹೆಚ್ಚಾಗಿ ಕಾಣಿಸಿಕೊಂಡಿತ್ತು. ಈಗ ಬಿಸಿಲು ಕಾಣಿಸಿಕೊಂಡರೆ ನೀರಿನಿಂದ ಉಂಟಾಗುವ ಕಾಯಿಲೆಗಳು ಮಾರ್ಚ್, ಏಪ್ರಿಲ್‌ ಬದಲು ಫೆಬ್ರವರಿ ತಿಂಗಳಲ್ಲೇ ಶುರುವಾಗುವ ಸಾಧ್ಯತೆಗಳು ಹೆಚ್ಚಾಗಲಿದೆ. ಕಲುಷಿತ ನೀರಿನಿಂದ ಬರುವ ಕಾಯಿಲೆಗಳ ಜತೆಗೆ ದೇಹದ ನಿರ್ಜಲೀಕರಣ, ಬೆವರುಸಾಲೆ, ಚರ್ಮದ ತೊಂದರೆ, ಕಿಡ್ನಿಯಲ್ಲಿಕಲ್ಲಿನ ಸಮಸ್ಯೆಗಳು ಈ ಬಾರಿ ಮೊದಲೇ ಕಾಣಿಸಿಕೊಳ್ಳಬಹುದು ಎನ್ನುತ್ತಾರೆ ವೈದ್ಯರು.